Բոլոր ժամանակների 50 ամենակարևոր սարքերը՝ ըստ Time-ի. 1in.am

Ամերիկյան Time ամսագիրն իր կայքում հրապարակել է բոլոր ժամանակների 50 ամենաազդեցիկ սարքերի ցուցակը: Նշվում է, որ ներառված սարքերը ոչ միշտ են առաջինը եղել իրենց տեսակի մեջ և ոչ միշտ են հասել կոմերցիոն հաջողության, սակայն ազդել են ընդհանուր ինդուստրիայի վրա:

Առաջին 3 տեղերում են Apple iPhone-ը (բացել է սենսորային էկրանով սմարթֆոնների ժամանակաշրջանը), 1960-ականների Sony Trinitron գունավոր հեռուստացույցը և Apple Macintosh անհատական համակարգիչը (տվել է մարդու և համակարգչի փոխգործակցության չափանիշ):

4-10-րդ տեղերում են Sony Walkman կասետային նվագարկիչը (առաջին շարժական, պարզ և հասանելի երաժշտական փլեյերը), IBM Model 5150 համակարգիչը (հիմք է դարձել բոլոր անհատական համակարգիչների համար Apple-ի շուկայից դուրս), Victrola ֆոնոգրաֆը (բացել է տանը երաժշտություն լսելու ժամանակաշրջանը), Regency TR-1 առաջին սերիական գրպանի տրանզիստորային ռադիոընդունիչը, Kodak Brownie բյուջետային ընտանիքի ֆոտոխցիկը (լուսանկարչությունը հասանելի է դարձրել բոլորին), Apple iPod ասուդիոփլեյերը (սպառողներին համոզել է հրաժարվել CD-փլեյերներից) և Hitachi Magic Wand վիբրոմերսիչը:

Երկրորդ տասնյակում նշված են Canon Pocketronic հաշվիչը (դարձել է գրպանի հաշվիչների էժանացման և փոքրացման ավետիչը), Philips N1500 VCR նվագարկիչը (հնարավորություն է տվել հեռուստահաղորդումներ ձայնագրել), Atari 2600 խաղային ածանցյալը (եղել է խաղային ինդուստրիայի հեղափոխության ավանգարդում), US Robotics Sportster 56K մոդեմը (dial-up-մոդեմները բացահայտել են համացանցը միլիոնավոր մարդկանց համար), Nintendo Entertainment System խաղային ածանցյալը (NES-ը վերականգնել է շուկան խաղային ինդուստրիայի ճգնաժամից հետո), Nintendo Game Boy գրպանի ածանցյալը (բացել է ժամանակակից շարժական խաղերի շուկան), IBM Selectric էլեկտրական գրամեքենան (նշանավորել է համակարգչային ժամանակաշրջանի սկիզբը), Motorola Bravo փեյջերը (ճանապարհ է բացել կապի այլ շարժական սարքերի համար), JVC VideoMovie տեսախցիկը (կենցաղային տեսախցիկի օրինակ, որն աշխարհը փոխել է 1980-ականների կեսին) և Motorola Droid-ը (Android հարթակով առաջին հաջող սմարթֆոնը):

Թոփ-50-ում ներառվել են նաև IBM Thinkpad 700C նոթբուքը, TomTom GPS-նավիգատորը, Phonemate 400 ավտոպատասխանիչը, BlackBerry 6210 սմարթֆոնը, Apple iPad պլանշետը, Commodore 64 տնային համակարգիչը, Polaroid ֆոտոխցիկը, Amazon Kindle էլեկտրոնային գիրքը, TiVo ТV-ածանցյալը, Toshiba DVD-փլեյերը, Sony PlayStation և Nintendo Wii խաղային ածանցյալները, Jerrold Cable Box մալուխային հեռուստատեսության համար ածանցյալը, Nokia 3210 բեսթսելլեր-բջջային հեռախոսը, HP DeskJet տպիչը, Palm Pilot գրպանի համակարգիչը, Motorola Dynatac 8000x բջջային հեռախոսը, Apple iBook նոթբուքը, Oculus Rift վիրտուալ իրականության սաղավարտը, Sony Discman D-50 շարժական CD-փլեյերը, Roku Netflix Player ТV-ածանցյալը, Fitbit թվային քայլաչափը, Osborne 1 շարժական համակարգիչը, Nest թերմոստատը, Raspberry Pi մեկ պլատայով համակարգիչը, DJI Phantom անօդաչուն, Yamaha Clavinova թվային դաշնամուրը, Segway սկուտերը, Makerbot Replicator կենցաղային 3D-տպիչը և Google Glass-ը:

Հարցեր, պատասխաններ, մեկնաբանություններ